Nasa 29 na mataas na opisyal ng Philippine National Police (PNP) ang inilipat ng puwesto, epektibo noong Hunyo 19, ayon sa utos na inilabas ni PNP Personnel and Records Management Director, PMGen. Constancio Chinayog. Kabilang sa mga apektado ng rigodon ang isang Major General, 26 Brigadier General, at dalawang Colonel.
Nilinaw naman ni PNP Spokesperson PBGen. Jean Fajardo na ang nasabing balasahan ay bahagi ng regular na proseso sa loob ng organisasyon at walang kaugnayan sa ipinatutupad na 5-minute response rule ng PNP.
Kabilang sa mga bagong itinalaga sa mga posisyon ay ang sumusunod:
- PBGen. Jaysen de Guzman – Regional Director, Police Regional Office Bangsamoro Autonomous Region
- PBGen. Jack Wanky – Acting Regional Director, Police Regional Office CALABARZON
- PBGen. Ponce Rogelio Peñones – Acting Regional Director, Police Regional Office 6
- PBGen. Arnold Abad – Acting District Director, Northern Police District
- PBGen. Randy Arceo – Acting District Director, Southern Police District
- PBGen. Warren Tolito – Chief of Staff, Philippine National Police Academy
- PMGen. Robert Alexander Aguilar Morico II – Officer-in-Charge, Area Police Command–Visayas
- PBGen. Rolind Suguilon – Acting Regional Director, Police Regional Office 10
- PBGen. Joseph Arguelles – Acting Regional Director, Police Regional Office 11
- PBGen. Paul Kenneth Lucas – Acting Deputy Regional Director for Administration, NCR Police Office
- PBGen. Melecio Buslig Jr. – Acting Deputy Regional Director for Administration, Police Regional Office MIMAROPA
Ayon sa pamunuan ng PNP, ang balasahan ay layuning mapalakas pa ang operasyon at mas mapaigting ang implementasyon ng mga programa at patakaran ng organisasyon.
Samantala, epektibo rin kahapon ang pagtatalaga kay PBGen. Romeo Macapaz, dating Regional Director ng PRO-BAR, bilang bagong Director ng Criminal Investigation and Detection Group (CIDG).