Maaari umanong mabakunahan ang mga “buntis” na medical frontliner na may high-risk exposure sa COVID-19.
Ito ang nilinaw ng Department of Health (DOH) at sinabing basta may clearance mula sa kanilang mga doctor o physician.
Gayundin ang mga senior citizen na frontliner ay maaari ding mabakunahan kontra COVID-19.
Ayon sa DOH, ang prioritization criteria naman ay base sa risk of exposrure o pagkakalantad sa sakit at risk of death.
“Our prioritization criteria naman is based on risk of exposure and risk of death. So we follow that–pregnant na medical frontliner, pregnant na senior, pregnant na may co-morbidity, etc. Again, basta may clearance ng doctor,” ayon pa sa DOH.
“We follow the contraindications written in the EUA (Emergency Use Authorization) to determine who should not receive the vaccines. The vaccines we have are not contraindicated for pregnant women. Pregnant women may be vaccinated as long as cleared by their physicians,” pahayag pa ng DOH.
Ayon naman sa World Health Organization (WHO), ang mga buntis ay nasa mas mataas na panganib ng severe COVID-19 kaysa hindi mga buntis at ang COVID-19 ay naiuugnay na isang mataas na peligro ng pre-term birth.
Gayunman, sinabi ng WHO na dahil sa walang sapat na datos, hindi inirerekoemnda ng WHO na mabakunahan ang mga buntis sa ngayon.
“In case a pregnant woman has an unavoidable risk high of exposure (e.g., a health worker), vaccination may be considered in discussion with their health-care provider.” pahayag ng WHO sa kanilang website.
“If a breastfeeding woman is part of a group (e.g., health workers) recommended for vaccination, vaccination can be offered. WHO does not recommend discontinuing breastfeeding after vaccination,” sinabi pa ng WHO.