Tumaas pa ang bilang ng kaso ng Coronavirus disease o COVID-19 ngayong araw matapos makapagtala ng panibagong 2,037 bagong kaso ang Department of Health (DOH).
Bilang kabuuan, nasa 578,381 na ang nagpopositibo simula nang tumama ang naturang sakit sa bansa.
Ang gumaling naman ay umabot na sa 534,351 dahil sa karagdagan pang bagong 86 recoveries.
Ang mga pumanaw naman ay nasa 12,322 na kung saan apat lamang ang nadagdag ngayong araw.
Nananatiling aktibo ang 31,708 kaso na patuloy na ginagamot sa mga pasilidad.
Ngayong March 1, mayroon lamang walong duplicates ang inalis sa total case counts kung saan anim rito ang recoveries.
Ang mga laboratory na bigong makapagsumite ng kanilang datos sa COVID-19 Document Repository System o CDRS ay isa na lamang .
Sa pagdating ng bakuna kontra COVID-19, sinabi ng DOH na ipagpatuloy pa rin ang wastong pagsunod sa health protocol at minimum health standards upang maiwasan ang pagkalat ng anumang uri ng mutation o variant ng COVID-19.
