SUSPENDIDO na ang biyahe ng anumang uri ng sasakyang-pandagat sa ilang lugar sa Bicol region kaugnay ng bagyong “Leon”.
Batay sa abiso ng Philippine Coast Guard (PCG), naglabas ng kanya-kanyang anunsyo ang coast guard station sa Albay, Camarines Norte, Camarines Sur, Catanduanes at Sorsogon, at pinagbabawalan na maglayag ang mga sasakyang-pandagat mula kahapon ng hapon dahil sa pagtataas ng babala ng bagyo ng Pagasa.
Kasama sa mga walang biyahe ay ang Prieto Diaz, Sorsogon City at Gubat sa Sorsogon
Gayundin ang Caramoan, Presentacion, Goa,Tinambac Calabanga at iba pa sa Camarines Sur
Ang pinapayagan lamang ay ang paglalayag ng mga sasakyan pandagat na patungo sa sheltering areas.