ISINAMA na rin ng Bureau of Immigration (BI) ang pangalan ni Julian Ongpin sa listahan ng minomonitor na personalities.
Ayon kay BI Commissioner Jaime Morente, ang pagsasama ng pangalan ni Ongpin ay resulta ng Immigration Lookout Bulletin Order (ILBO) na inisyu ng Department of Justice (DOJ), kung saan ay inuutusan ang BI na i-monitor si Ongpin sa posibleng pag-alis nito ng bansa .
“We received an a memorandum from the DOJ ordering his inclusion in our ILBO database,” ayon kay Morente. “We have immediately implemented said order upon receipt,” dagdag pa nito.
Naging kontrobersiyal si Ongpin matapos na isama siya sa imbestigasyon sa pagkamatay ng painter na si Bree Jonson sa San Juan, La Union.
Ang ILBO ay inisyu para ma-monitor ang itineraries sa flight, travel at kung nasaan man ang subject na posibleng lumabas ito sa bansa.
“His name has been included in our derogatory database, and we are monitoring his border movement,” ayon kay Morente. “All immigration officers nationwide in both airports and seaports have been instructed to closely monitor his travel and to prudently verify if he has an existing warrant of arrest, if encountered,” dagdag pa nito.