Walang nang ibibigay na extension ng filling ng Certificate of Candidacy o COC, ayon sa Commission on Elections (Comelec).
Sinabi ni Comelec spokesperson Director James Jimenez, ang filing ng COC ng mga nais kumandidato para sa 2022 May elections ay nakatakda sa Oktubre 1-8, 2021.
Ayon kay Jimenez, ang last minute na pagbabago ng kandidato o withdrawal ng kanilang candidacy ay hanggang November 15 lamang.
Paliwanag niya, dapat nakapag-file na ng withdrawal of candidacy ang isang kandidato dahil kailangan na aniyang mag-imprenta ng mga balota sa nasabing petsa.
Meron naman aniyang calendar of activities kung saan nakadetalye ang window for withdrawal.
“Puwede ka involuntary withdrawal dahil namatay o disqualified pwede ka mag-replace pero substitution, voluntary withdrawal ay hanggang Nov. 15,” ayon pa kay Jimenez.
Samantala, target pa rin ng Comelec na umabot sa 4 milyon ang bagong botante sa mga mag-18 taong gulang.
Sa ngayon ay nasa 1.9 milyon pa lamang ang nagpaparehistro kasama na ang mga new registered voters at mga nag-reactivate ng kanilang voters registration.