Inamin ni Mayor Emmanuel “Manny” Maliksi kahapon na ang ikinamatay ng kanyang ama na si dating Gob. Erineo “Ayong” Maliksi noong Miyerkules ay ang stroke na kumplikasyon mula sa COVID-19.
Nagpositibo sa COVID-19 ang kanyang ama noong nakaraang Pebrero 14 matapos itong suriin.
Nagnegatibo ito sa COVID-19 matapos maiulat na nakarekober na ito matapos atakihin ang 82 anyos na dating gobernador.
Matatndaan na si Maliksi ay nagsilbing secretary at naging gobernador bago si Gov. Johnny Remulla.
Naging special agent ito ng Bureau of Customs at naging Chief of Police ng bayan ng Imus bago pumasok sa pulitika noong 1985 bilang bise-alkalde ng Imus hanggang 1988.
Naging congressman din siya ng 2nd District ng Cavite noong 1998 bago naging gobernador ng Cavite ng tatlong termino mula 2001 hanggang 2010.
Kinagigiliwan siya ng mga Caviteno dahil sa kanyang kakaibang karisma at madaling lapitan ng mga ordinaryong tao.
Siya din ang nagpakilala sa mayamang kasaysayan ng lalawigan ng Cavite bago din naupo bilang chairman ng Philippine Charity Sweepstakes Office sa ilalim ng Aquino administration noong 2015.