Kasabay ng pagdiriwang ng Pista ng Sto. Niño, pinirmahan ni Manila Mayor Francisco “Isko Moreno” Domagoso ang isang executive order na naglalayong ipagbawal ang street party o anumang uri ng pagdiriwang sa kalye kaugnay sa kapistahang nabanggait.
Sa pinirmahang Executive Order No. 2 ni Mayor Isko, kabilang sa street shows na ipagbabawal ay parada, street party, stage shows at palarong kalye sa Tondo at Pandacan, na karaniwang ginagawa kasabay ng pagdiriwang ng Pista ng Sto. Niño
Ito aniya ay upang maiwasan ang pagkalat ng COVID-19.
Mahigpit din ipatutupad ang liquor ban sa Pandacan at Tondo gayundin ang curfew hours.
Pinayuhan ng alkalde ang kapulisan at baranggay na magtulungan sa pagpapatupad ng naturang executive order.