SA ika-limang linggong magkakasunod ay muling magpapatupad bukas ng pagtataas sa presyo ng produktong ang mga kumpanya ng langis.
Piso kada litro ang itataas sa presyo ng gasolina habang P0.85 kada litro sa diesel ng Petron, Pilipinas Shell Petroleum Corporation, Unioil, Petro Gazz, Seaoil, PTT Philippines, dakong alas-sais ng umaga.
Mauunang magtaas-presyo ng alas-12:01 ng madaling araw ang Caltex sa katulad na halaga. Hahabol sa oil price hike ang Cleanfuel dakong alas-4 ng hapon.
Magmamahal naman ng P0.70 sa bawat litro ng kerosene ang Shell at Seaoil gayundin ang Caltex.
Ang Petron ay magpapairal ng P0.82 dagdag sa halaga ng LPG at P0.46 sa kada kilo ng AutoLPG, epektibo alas-12:01 ng madaling araw.
Ang panibagong pagtataas sa halaga ng petrolyo ay bunga na rin ng paggalaw ng presyuhan nito sa pandaigdigang merkado.