Kinasuhan ang isang aktibong pulis Quezon City na vlogger matapos batikusin nito sa kaniyang Facebook account ang pamunuan ng Philippine National Police (PNP), maging ang Pangulong Ferdinand Marcos Jr. nitong Lunes, Marso 17, 2025.
Kasong paglabag sa Article 142 ng RPC (Inciting to Sedition) na may kaugnayan sa R.A 10175 0 Cybercrime Prevention Act of 2012, ang isinampa ng pamunuan ng Quezon City Police District – Criminal Investigation and Detection Unit (QCPD-CIDU) laban kay Patrolman Francis Steve Tallion Fontillas, nakatalaga sa District Personnel Holding and Accounting Section (DPHAS) sa Quezon City prosecutor’s office.
Ang aksyon na ito ay nagmula sa kanyang mga post sa social media kasunod ng mga ulat ng pag-aresto kay dating Pangulong Rodrigo Roa Duterte.
Ilan sa pinost ni Fontanillas sa kaniyang FB account na Fonts Stv Vlogs ay ang “I am telling the truth. The war on drugs was not just for the purpose of killing. War on drugs was designed to eliminate criminals to prevent worse killings and murders by criminal.”
Kabilang pa sa post nito ang “PRRD-the only president that Filipino love so much. PBBM-considered president but not respected by the people.”
Tila hinihikayat din umano nito ang mga kapwa pulis na magsalita o magmensahe sa kaniya pero hindi nito nilinaw kung ito at tungkol sa pag-aresto kay Duterte.
Sa rekord mula sa District Personnel Records and Management Division (DPRMD), si Fontillas ay itinalaga sa DPHAS noong Pebrero 20, 2025, ngunit absent without official leave (AWOL) mula noong Marso 6, ngayong taon.
“The QCPD reminds all personnel to adhere to the highest standards of professionalism and discipline. PNP officers shall remain apolitical and non-partisan at all times and we must refrain from posting unauthorized and biased contents in social media and other communication platforms,” batay sa inilabas na pahayag ng QCPD na pinamumunuan ni Acting Director, PCol. Melecio M Buslig.