Dineploy ng Philippine Coast Guard (PCG) ang dalawang aerial assets nito upang tulungan ang Department of Health (DOH) sa paghahatid ng Covid-19 vaccine sa MiMaRoPa region .
Tiniyak naman ni PCG pilots Commander Jose Mari Cucharo at Commander Alejo Suare ng Coast Guard Aviation Force (CGAF) ang ligtas at mabilis na pagdadala ng pitong kahon ng Sinovac vaccines sa Mamburao, Occidental Mindoro; Calapan, Oriental Mindoro; Gasan, Marinduque; at Alcantara, Romblon.
Ang mga frontline medical workers sa nasabing mga probinsya ang unang makakatanggap ng unang batch ng bakuna bilang paghahanda naman ng massive inoculation drive laban sa COVID-19 sa MiMaRoPa region.