PATULOY ang ginagawang evacuation sa mga residente sa mga lugar na apektado ng pagsabog ng Bulkang Taal.
Ayon sa Philippine Coast Guard (PCG), katuwang nila ang Philippine Air Force (PAF) sa paglikas ng 39 na mga residente ng Sitio Duhat, San Gregorio, Laurel, Batangas.
Inihatid sila sa San Gregorio Integrated School na matatagpuan sa Sitio Kulit na kasalukuyang nagsisilbi bilang evacuation center.
Naka-standby naman ang iba pang personnel at assets ng Coast Guard Station Batangas and Operational Control units dahil sa posibleng epekto ng alert status.