Pansamantalang isasara sa publiko ang tanggapan ng PRB Secretariat Division (D-SPRB) ng Philippine Regulation Commission (PRC) sa Philippine International Convention Center sa Pasay City hanggang sa Enero 22, 2021.
Ito ay matapos magpositibo ang apat na kawani nito sa COVID-19.
Ayon sa PRC, magsasagawa ng disinfection sa nasabing tanggapan gayundin para sa gagawing contact tracing sa mga apektadong personnel at kliyente ng nasabing opisina.
Naka quaratine na ang mga kawani na nagpositibo sa COVID-19 maging ang mga na-expose sa mga positive cases na naghihintay pa lamang ng kanilang RT-PCR test result.
Mahigpit namang ipinatutupad ng PRC ang kinakailangang mga health protocol alinsunod na rin sa direktiba at guidelines ng Department of Health upang maprotektahan ang mga kliyente at personnel.