Negosyante, inambush, isa patay

crime scene do not cross
Share this information:

BATANGAS–Inambush ang isang negosyante habang patay naman ang driver nito kaninang madaling araw sa San Jose, Batangas.

Sinabi ni San Jose Municipal Police Station Chief Maj. Neil Christopher Gaspar na ang sugatang negosyante ay si Milo Guce Raz, 53 anyos.

Dead on the spot naman ang driver nitong si Virgilio Monforte, Jr., 40 anyos.

Base sa imbestigasyon, minamaneho ni Monforte ang Isuzu truck na puno ng itlog at binabaybay ang kahabaan ng Barangay Banay-banay bandang alas 2:30 ng madaling araw kanina nang may biglang sumalubong sa kanilang unahan na magka-angkas na naka-motorsiklo.

Pinagbabaril nito ang dalawang biktima saka tumakas papalayo sa lugar.

Dinala sa Metro San Jose Medical Center si Raz upang gamutin habang si Monforte ay agad na namatay.

Inaalam na mga awtoridad ang pagkakakilanlan ng mga suspek na tumambang sa dalawang  biktima.

Leave a Reply

This site uses Akismet to reduce spam. Learn how your comment data is processed.