Tumanggap ang Pamahalaang Lungsod ng Navotas ng isang official replica ng 1734 Murillo Velarde map mula kay Mel Velarde, Presidente at CEO ng Velarde Inc. at Asian Institute of Journalism and Communication.
Ang Murillo Velarde map ang unang scientific map ng buong kapuluan at itinuturing na “Mother of all Philippine Maps.”
Si Velarde ay nagbigay ng mga replika ng mapa sa mga government agencies, academic institutions, at mga pribadong organisasyon bilang bahagi ng isang public awareness campaign sa kahalagahan nito sa kasaysayan at kultura ng Pilipinas.
Sa kanyang mensahe, pinuri at pinasalamatan ni Mayor Toby Tiangco si Velarde, na kung saan mapapansin na ang kanyang pagsisikap ay isang “strong manifestation of love of country.”
“This map helped us establish in the international court that Scarborough Shoal is ours. The shoal has been a traditional fishing ground of Filipinos, including my family, and we should not allow other countries to claim otherwise,” aniya.
Ang Murillo-Velarde map ay nagsilbing isang mahalagang papel sa kaso ng Pilipinas laban sa China sa Permanent Court of Arbitration sa The Hague, Netherlands. Ipinakita nito na ang Scarborough Shoal – na tinutukoy noon bilang Panacot – ay bahagi ng teritoryo ng Pilipinas kahit ilang siglo na ang nakalilipas.
Samantala, nagpahayag din ng pasasalamat si Cong. John Reynald Tiangco kay Velarde. “I was pleasantly surprised to know that an artist from Navotas-Malabon engraved and printed the map. We are very proud that a Navoteño played a significant role in the creation of this historical document,” sabi niya.
Si Nicolas dela Cruz Bagay, na pumirma sa kanyang sarili ng isang “Indio Tagalo” sa mapa, ay ipinanganak sa Tambobong, ang matandang pangalan ng Malabon.
(Photo credit: pia.gov.ph)