Makakatanggap ng P10,000 ayuda mula sa pamahalaang lungsod ng Maynila ang bawat pamilyang nasunugan sa Parola Compound sa Tondo, Maynila.
Ito ay matapos aprubahan ni Manila Mayor Francisco “Isko Moreno” Domagoso ang P10,000 financial assistance sa mga biktima.
Magugunitang limang katao ang nasawi sa sunog na umabot sa 4th alarm nitong Pebrero 22.
Base sa report ng Bureau of Fire Protection (BFP), nasa 300 kabahayan na pawang yari sa light materials ang nasunog.
Tinatayang nasa 600 pamilya naman ang apektado ng sunog, na kasalukuyan ngayong nanunuluyan sa P. Gomez Elementary School.