DEAD on the spot ang isang pulis matapos itong magbaril sa sarili sa labas ng simbahan sa bayan ng Sugpon, lalawigan ng Ilocos Sur.
Base sa nakalap na impormasyon kay Sugpon Municipal Police Station Lt. Gerry Arzabal, nakilala ang pulis na nag-suicide na si Police Staff Sergeant Romeo Madrigal.
Lumalabas sa imbestigasyon, nagpaalam umano si Madrigal kay Arzabal na magsisimba sa St. Anthony Parish Church hanggang sa malaman nilang nagbaril na ito sa ulo.
Nabatid na nakatakda sanang umuwi si Madrigal para sa kanyang medical examination at nabanggit umano nito sa kanyang mga kasamahan na mayroong sumusunod sa kanya sa tuwing uuwi at babalik ito sa police station.
Sinubukan pang isalba ang buhay ng mga tumulong para isugod sa ospital si Madrigal subalit wala na itong buhay.