NAGTULONG ang Metropolitan Manila Development Authority (MMDA) at Valenzuela City Government sa paglilinis sa Kalabingkoho River sa ilalim ng programang Bayanihan sa Estero.
Bahagi ito ng isang inisyatibo na inilunsad ni Pangulong Ferdinand Marcos Jr. na naglalayong bawasan ang pagbaha sa pamamagitan ng pag-alis ng basura at burak mula sa mga daluyan ng tubig.
Pinangunahan nina MMDA General Manager Usec. Nicolas Torre III at Mayor Wes Gatchalian ang operasyon sa 2 kilometrong ilog sa Barangay Malanday, kasama ang suporta mula sa MMDA Flood Control and Sewerage Management Office (FCSMO).
Binigyan diin ni Torre, sa ilalim ng pamumuno ni MMDA Chairman Atty. Don Artes, ang ahensya ay nananatiling nakatuon sa pagsasaayos ng mga pangunahing daluyan ng tubig sa buong Metro Manila.
“Upon the instruction of Chairman Artes, the agency has set a target to rehabilitate 25 major esteros or more by 2026, with the goal of completing key projects before the rainy season. This initiative underscores the importance of well-maintained waterways in flood prevention,” ani Torre.
Dagdag naman ni Gatchalian na mahalaga ang Bayanihan sa Estero program para sa kanilang lungsod lalo na sa mga lugar malapit sa hangganan ng Meycauayan dahil kapag tumaas aniya ang lebel ng tubig sa ilog, aagos ito patungong MacArthur Highway na direktang makaapekto sa Valenzuela at Meycauayan.
“We are working together to continuously clean and maintain the creek. By deepening and widening it, we help ensure that it does not exceed its capacity during heavy rainfall,” ani Gatchalian.