TINATAYANG aabot sa 586 na pamilya o katumbas ng 2, 215 na mga indibidwal ang lubos na naapektuhan ng matinding pagbaha bunga ng masamang panahon sa Davao City.
Ito ay batay sa datos na inilabas ng National Disaster Risk Reduction and Management Council o NDRRMC.
Ayon sa NDRRMC, sa naturang bilang, 142 na pamilya o katumbas ng 415 na indibidwal ang nananatili muna sa mga evacauation center.
Ang iba naman ay lumikas muna at nagtungo sa mga kamag-anak at kaibigan.
Sa kabuuan, 15 barangay ang napinsala ng masamang panahon.
Tatlong kalsada naman ang baha pa rin at hindi pa madaananan habang anim na kabahayan naman ang nasira sa Brgy. Tigatto.