PINAKAKASUHAN ng Commission on Audit (COA) ang mga dating opisyal ng Department of Interior and Local Government (DILG) at Bureau of Fire Protection (BFP) dahil sa paglabag sa “Anti-Graft and Corrupt Practices Act” ng masangkot ang mga ito sa anomalya sa pagbili ng mga kagamitan ng bumbero na nagkakahalaga ng P1.7Bilyon.
Batay sa 68-pahinang desisyon ng COA, inirekomendang sampahan ng patong patong na kaso sina dating DILG Secretary Jose D. Lina; Undersecretary Atty. Marius Corpus, BFP Fire Chief General Francisco Senot at mga kasamahang sina Senior Supt. Jose Collado, Senior Supt. Eduardo Lagumbay, Atty. Agripino Morga, DILG Representative , Senior Inspector Edwin Tabaranza, Senior Supt. Nimfa Cuartel, Supt. Leonard Consolacion, Chief Inspector Joseph Bacareza, Engr. Arsenio Rodriguez Jr., Senior Fire Officer 4 Aniceto Herrera Jr., Fire Officer 2 Renato Plantado, Senior Insp. Mario Cruz, Senior Insp. Renato Molina, Ruben Bearis Jr, Ludivina Quinto, Supt. Florante Cruz, Supt. Arturo Ofreio, Teofista Anos, Anos Research Manufaturing (ARM) owner, Ma. Estrella Anos-Garcia, ARM General Manager, Chief Supt. Enrique Linsangan, Chief Insp. Henry Mojica, Chief Insp. Jerry Candido, Atty. Marino Bermudez, Engr. Nelson Se, Lilibeth Simangan, Reynaldo Quirante, Umalab Tadina, Elizabeth Paquinto, Ma. Villa Miranda, chief Supt. Rolando Bandilla, Inspector Stephen Jardeleza, Oscar Villegas, Globert Paul Garcia, Leroy Enriquez, Chief Inspector Jhufel Brananola, Inspector Benjamin Ventajar, Ruel Geronimo, Zaide Eloy, Raul Flores Jr., Leonardo Sabellina Jr., at Chief Superintendent Carlito S. Romero.
Ayon sa COA, ang nabanggit na mga personalidad ay lumabag sa ilalim ng Laws, Rules and Regulations ng kaukulang provision ng Republic Act No. 9184 o mas kilala bilang “Government Procurement Reform Act” at kanyang Implementing Rules and Regulation and Executives Order 262 dahil sa pagbili ng 194 fire trucks at ibat-ibang kagamitan ng bumbero na umaabot sa kabuuang P1,712,519,864.00. Nilabag din ng mga dating opisyal ang section 4 (6) ng Presidential Decree No. 1445 at ang COA Memorandum.