BATANGAS–Dalawang bangkay na di-umano ay itinapon lamang sa lugar ang natagpuan sa isang bangin kahapon ng tanghali sa Brgy. Natipuan, Nasugbu, Batangas.
Isang guwardiya ng Green Lift Security Agency na si Jude Malay ang tumawag sa Nasugbu Municipal Police Station bandang alas 2:15 ng hapon kahapon upang ipagbigay-alam na may natagpuang dalawang bangkay sa gilid ng bangin sa nasabing lugar.
Nakapiring ang mga mata ng babae at may tama ng baril, may tattoo sa likod na “Gucci,” nakasuot ng puting t-shirt, maong na pantalon at itim na rubber shoes.
Ang lalaking bangkay naman ay naka-itim na t-shirt, naka 6-pocket na kulay brown na shorts at may tattoo sa likod na “Boyong Reyes, Boy Negro, Jhie at mukha ni Jesus.”
Inaalam na sa CCTV footage ng barangay kung may posibleng pagkakakilanlan sa mga suspek sa nasabing krimen.