Handa na ang pamahalaang lungsod ng Maynila na magpatuloy ng pagbabakuna sa mga frontline personnel nito at sa mahahalagang sektor at mga opisyal ng lokal na pamahalaan o katergoryang A4 kontra COVID-19.
Ayon ito kay Manila Mayor Francisco Domagoso kung saan sinabi nito na naabot na ng pamahalaang lungsod ang minimum requirement ng Department of Health (DOH) para sa pagbabakuna sa mga target recipients sa ilalim ng A3 category kabilang ang mga indibidwal na may comorbidity o karamdaman.
Ayon sa alkalde, kabilang sa A4 category ang mga opisyal ng barangay at ang kapulisan.
Sa ngayon, ang available na bakuna sa Maynila ay ang second dose para sa mga recipients ng kategorya na A1 at A3.
Nagpapatuloy naman ang pagbabakuna sa lungsod, katunayan nasa 33,603 indibidwal na ang naturukan ng unang dose ng bakuna laban sa COVID-19.