LAGUNA –Winakasan na ng isang 63-anyos na magsasaka ang sariling buhay kahapon ng umaga sa Sitio Buliran, Barangay Halayhayin, Siniloan, Laguna dahil sa dami ng kanyang utang.
Sa ulat ng Siniloan Municipal Station, nakilala ang biktimang si Luis San Juan y Panwelos, na tubong Goa, Camarines Sur.
Bandang alas 5 ng madaling araw nang magtungo ang anak na lalaki ni San Juan upang i-report sa pulisya ang nasabing pangyayari.
Nang dumating ang mga awtoridad sa crime scene, isang nylon rope na lang ang kanilang natagpuan.
Dead on Arrival na ng dalhin ang biktima sa Pakil General Hospital .
Sa salaysay ng pamilya ng biktima, naisipan nitong wakasan ang buhay dahil sa dami ng kanilang problema sa pera.
Iminungkahi ng mga pulis na ipa-autopsy ang bangkay ng nasabing biktima kung may foul play ang pagkamatay ni San Juan ngunit tumanggi na ang mga ito at pumirma ng waiver.
Basa sa eksaminasyon ni Dr. Girany Fariñas, Municipal Health Officer ng Siniloan, “Asphyxia” ang sanhi ng pagkamatay ng biktima at wala silang nakitang anumang senyales ng foul play.