NILAGDAAN ngayong Huwebes and Deed of Conditional Donation sa pagitan ng pamahalaang bayan ng Limay at ng Fiesta Communities Inc. para sa itatayong Limay Regional Hospital and Trauma Center.
Para sa naturang proyekto, nag-donate ang Fiesta Communities, Inc. ng 3,000 square meters na lupain, habang ang pamahalaang pang-lalawigan ng Bataan ay naglaan naman ng inisyal na pondo na nagkakahalaga ng P100 milyon.
Pinangunahan ni Bataan Governor Abet Garcia ang Ceremonial Signing of the Deed of Conditional Donation, na sinaksihan naman nina Bataan 2nd District Rep. Joet Garcia na siyang may akda ng batas para maitayo ito, Limay Mayor Nelson David, Vice Mayor Richie Jason David at Fiesta Communities Inc. President Wilfredo Tan.