Nilinaw ng Department of Health (DOH) at Food and Drug Administration (FDA) na ang Lianhua Qingwen ay isang prescription medicine na inaprubahan ng FDA sa Pilipinas ngunit hindi nakarehistro bilang gamot laban sa COVID-19.
Maliban dito, ang papel na ginagampanan ng FDA ayon sa Republic Act 3720 ay magbigay ng lisensya, subaybayan at i-regulate ang mga gamot tulad ng Lianhua Qingwen para sa kaligtasan ng mga Pilipino.
Anumang pagkain o medical products na hindi rehistrado sa Pilipinas ay hindi dapat ibenta at isasailalim sa pagkumpiska kung kaya’t ang FDA ay nag-isyu ng Advisory No. 2020-767 bago ang pagpaparehistro ng Lianhua Qingwen.
Ayon pa sa DOH, August 7, 2020 lamang nang makakuha sa FDA ang Lianhua Qingwen ng registration pero para lamang sa layunin ng paggamit bilang traditional herbal product na nakakatulong na magtanggal ng heat-toxin invasion sa baga kasama na ang mga sintomas tulad ng lagnat, pag-iwas sa lamig, sakit ng kalamnan, barado at runny nose.
Bilang karagdagan, ang paggamit ng Lianhua Qingwen ay pinapayagan lamang kung may reseta galing sa isang doctor.