Isang lalaki ang nagpasyang magpakamatay sa pamamagitan ng pagbigti dahil sa tindi ng depresyon sanhi umano ng pagkakaroon ng broken family sa Malabon City.
Kinilala ang biktima na si Jomar Urbano, 24, ng No. 8 Mabolo Road, Brgy. Potrero.
Ayon kay Malabon police homicide investigators P/SSgt. Jeric Tindugan at P/Cpl. Renz Marlon Baniqued, dakong 1 ng hapon, papasok sana sa banyo ang 8-anyos na pamangking babae ng biktima upang umihi.
Laking gulat nito nang makita ang kanyang tiyuhin na nakabigti sa loob ng banyo gamit ang isang lubid.
Kaagad niyang sinabi sa kanyang mga kaanak ang natuklasan saka i-nireport ng mga ito sa pulisya ang insidente.
Sa isinagawang imbestigasyon, gumawa ng isang waiver ang mga kaanak ng biktima na naniniwala sila na walang naganap na foul play sa pagkamatay ni Urbano.