INAAYOS pa rin at isinasapinal pa ng Philippine Health Insurance Corporation o PhilHealth ang indemnification fund na nakasaad sa batas.
Sa virtual media forum, sinabi ni Department of Health (DOH Usec Maria Rosario Vergeire na ang mga kondisyon para magkaroon ng “indemnification” ay dapat mayroong “direct causality.”
Ibig sabihin, ayon kay Vergeire, ang mga adverse events na naranasan ng isang indibidwal pagka-bakuna at pagkatapos pag-aralan ng mga eksperto ng adverse events following immunization committee o AEFIC at may causality o direktang kaugnayan ang adverse event sa isang indibidwal ay saka pa lamang magkakaroon ng indemnification.
Kung pag-uuspan aniya ang adverse events mayroon umanong tinatawag na “serious” at “non-serious.”
Mayroon din aniyang sinasabing “disability” dahil sa adverse events.
Ayon pa kay Vergeire, dito magkakaroon ng qualification sa indemnification fund at iyan aniya ang inaayos pa sa ngayon ng PhilHealth.