TUMAAS ang reproduction number o bilis ng hawaan ng Covid-19 sa National Capital Region (NCR).
Ayon kay Dr. Guido David ng Octa Research, nasa 0.48 ang reproduction number mula sa 7-day average cases kumpara sa 0.46 na naitala nuong nakalipas na linggo.
Pero naniniwala naman si Dr. David na hindi nagkakaroon ng pagtaas ng kaso ng covid19 sa NCR lalo pat bumaba ang average cases.
Nasa 975 naman ang 7-day average cases na naitatala ngayon sa metro manila. Sa kabila nito, kailangan pa rin na ipatupad ang minimum health standards gaya ng pag iingat sa 3cs o closed spaces, crowded places at closed contact settings.