Face-to-face classes sa CEU, aprub kay Yorme Isko

Share this information:

Inaprubahan na ni Manila Mayor Francisco “Isko Moreno” Domagoso  ang mungkahi  ng Centro Escolar University  (CEU) na magsagawa ng limitadong face-to-face classes  bagamat nasa gitna pa rin ng COVID-19 pandemic.

Inaprubahan ni Domagoso ang mungkahi kasunod ng pagpupulong sa pagitan ng CEU at ng alkalde kahapon.

Kasama rin sa pulong sina CEU School of Dentistry Dean Dr. Pearly Lim, CEU Community Dentistry head Dr. Felipe Wilfredo Espineli, at CEU Security Department head Col. Nicanor Grino.

Bilang kinatawan naman ng CEU department heads, sinabi ni CEU President Dr. Maria Cristina Padolina kay Domagoso  na ang pagtatapos  ng kanilang mga mag-aaral ay naantala ng isang taon dahil sa kawalan ng “practicum”  dahil sa quarantine restrictions  na ipinataw ng gobyerno.

Ayon kay  Dr. Padolina, saklaw ng  CEU ang limitadong face-to-face classes para sa graduating students mula sa School of Dentistry.

Bilang tugon, sumang-ayon si Domagoso na ang pamahalaang pang-lungsod at mga institusyong  pang-eduaksyon sa Maynila ay hindi makakalayo kung hindi umuusad.

Binigyang-diin din nito ang pangangailangan ng mas maraming nagtapos para sa sector ng kalusugan sa bansa.

“Wala tayong maa-achieve if we stagnate. We believe in those institutions who will ask the permission of the City to hold limited face-to-face classes,” ayon pa kay Domagoso.

Samantala, sinabi ng alkalde sa pamunuan ng CEU na maaaring makakuha ng  libreng swab test mula sa Manila LGU kung kinakailangang magpa-test ang kanilang mga estudyante.

Leave a Reply

This site uses Akismet to reduce spam. Learn how your comment data is processed.