Patay ang isang dispatcher matapos itong pagbabarilin ng di pa nakikilalang lalaki kahapon ng hapon sa Atlas, Interpasion, Brgy. H2, Dasmarinas City.
Nakilala ang biktimang si Arjay Barrameda Espinida, 25 taong gulang, na isang dispatcher ng mga sasakyan sa lugar.
Base sa salaysay ng mga saksi, nakitang paparating ang biktima sakay ng kanyang motorsiklo at pumarada ito nang bigla na lang lumapit sa gawing likuran ng biktima ang suspek saka pinagbabaril ito ng maraming beses sa iba’t-ibang bahagi ng katawan.
Dead on the spot si Barrameda habang mabilis na nakatakas papalayo ang suspek.
Ini-imbestigahan na ng Provincial Crime Laboratory Office (PCLO) ang pinangyarihan ng krimen.