Breaking News

Share this information:

NATIMBOG ng mga awtoridad sa Valenzuela City ang dalawang tinaguriang top most wanted persons sa probinsya ng Northern Samar.

Ayon kay Valenzuela police chief Col. Ramchrisen Haveria Jr., dakong ala-1:45 ng hapon nang maaresto ng mga pulis si Beltran Cerbito, 55 anyos, top 3 most wanted person ng Northern Samar sa St. Joseph Compound, Bagbaguin sa Valenzuela.

Ani Police Major Marissa Arellano, hepe ng Station Intelligence Branch (SIB), si Cerbito ay inaresto sa bisa ng isang arrest warrant na inisyu ng Regional Trial Court (RTC) – Branch 22, Laoang, Northern Samar para sa kasong paglabag sa Republic Act 8353 o ang Anti-Rape Act of 1997.

Makalipas ang isang oras, nadakip naman ng mga pulis ang No. 2 most wanted ng probinsya na si Rommel Cerbito, 23, sa Saragoza St., Tondo, Manila, sa bisa ng arrest warrant na inisyu ng RTC Branch 22, Laoang, Northern Samar RTC para sa kasong rape in relation to R.A. 7610.

Ang dalawang naarestong suspek ay kapwa residente ng Valdez Compound, Paso De Blas, Valenzuela City.

Leave a Reply

This site uses Akismet to reduce spam. Learn how your comment data is processed.

%d bloggers like this: