Cash assistance para sa mga empleyado ng nagsarang hotel

Share this information:

Inihayag ng Department of Labor and Employment (DOLE) na maaaring mag-aplay ng cash assistance mula sa gobyerno ang mga empleyado na  apektado ng pansamantalang pagsasara ng  Makati Shangri-La Hotel.

Maaari umanong  makakuha ng kanilang COVID-19  Adjustment  Measures Program (CAMP) ang mga manggagawa sa  sektor ng turismo. 

“The CAMP tourism (facility) remains open and extended so they can apply for the cash assistance,” ayon kay DOLE Assistant Secretary Dominique Tutay  sa isang media forum.

Ang CAMP na one-time cash assistance na P5,000  ay inaasahang magbebenepisyo sa milyong mga  formal sector worker na natanggal o nawalan ng trabaho dahil sa pandemya.

Layon ng CAMP na makinabang ang higit 600,000 manggagawa sa sektor ng turismo  na isa sa  pinakalubhang naapektuhan ng  pandemya.

Ayon sa DOLE, sa pamamagitan ng CAMP ay umabot na sa mahigit 950,000 manggagawa na ang  nakatanggap  ng  ayuda mula sa gobyerno.

Ang pahayag ng DOLE ay kasunod na rin ng anunsyo ng nasabing hotel  na simula Pebrero 1 ay pansamantala itong  isasara dahil  sa epekto na rin ng pandemya.

Leave a Reply

This site uses Akismet to reduce spam. Learn how your comment data is processed.

Next Post

Tatlong araw na drive-thru swabbing sa Maynila, apat nagpositibo

Thu Jan 21 , 2021
Sa loob ng tatlong araw na libreng  COVID-19 swab test ng pamahalaang lungsod ng Maynila sa  Quirino Grandstand, apat na ang  naitalang nagpositibo ayon sa tala ng Manila Health Department  (MHD). Sa kabuuan, nasa 242 katao na ang sumailalim sa libreng swab test sa Quirino Grandstand mula Enero 18 hanggang Enero 20, 2021. […]

Follow Us

%d bloggers like this: