MAKAKATANGGAP ng 750 libong pisong pabuya ang world champion sa gymnastics na si Carlos Yulo.
Matatanggap ni Yulo ang pabuya sa kabila ng nauna nang pahayag ni Philippine Sports Commission (PSC) Chairman Butch Ramirez na hindi sakop ng batas ukol sa pagbibigay ng insentibo sa mga atletang Pilipino ang taunang gymnastics event na sinalihan ni Yulo
Sa pahayag ng PSC, kalahating milyong piso dito ay para sa pagkakasungkit ni Yulo ng gintong medalya sa “vault” event ng gymnastics sa kakatapos lamang na 50th FIG Gymnastics World Championships sa Japan noong nakalipas na linggo.
Ang 250 libong piso naman na pabuya ay para sa pilak o silver medal na nakuha ni Yulo sa parallel bars event.