IBINIDA ng Bureau of Customs (BOC) ang kanilang Customs Operations Center (COC) at pagkilala sa serbisyo ng mga collection district at opisina nito bilang bahagi ng pagdiriwang ng kanilang ika-121 Founding Anniversary nitong Martes.
Ipinakita ng BOC ang mga teknolohikal na kakayahan ng COC, ang command-and-control hub ng intelligence at enforcement operations ng 17 Collection Districts ng BOC.
Sa kanyang mensahe, idiniin ni Customs Commissioner Yogi Filemon Ruiz ang ang mga nagawa ng BOC para sa 2022, na binibigyang-diin ang record-breaking revenue collection, pinahusay at pinaigting na anti-smuggling campaign, at ang modernization efforts na nakaayon sa Philippine Development Plan para sa 2023 hanggang 2028.
“We are confident that with the leadership of our President Ferdinand R. Marcos Jr. and the guidance of our Finance Secretary Benjamin E. Diokno, we will be able to achieve our goals again this year and for the years to come,” saad ni Ruiz.
Si Pangulong Ferdinand Marcos Jr., na siyang Panauhing Pandangal at Tagapagsalita, ay kinatawan ni Finance Secretary Benjamin Diokno. Naroon din si Albay Representative Joey Salceda, chair ng Committee on Ways and Means ng House of Representatives.
Ilang mga pantalan naman ang nakatanggap ng award para sa kanilang kontribusyon na maabot ang 2022 collection target at para sa kanilang pangako na tupdin ang mandato ng ahensya.
Gayundin, ilang mga tanggapan o opisina ng BOC ang ginawaran din ng pagkilala para sa strategic execution ng border-protection-related operations.