KINUMPIRMA ni Philippine General Hospital (PGH) spokesperson Dr. Jonas del Rosario na mayroong na-admit ngayon sa kanilang ospital na sanggol at pito pang mga bata na nasa edad 15 taong gulang na tinamaan ng COVID-19.
Ayon kay del Rosario, sa ngayon hindi pa klaro kong saan nakuha ng sanggol ang virus dahil ang kanyang nanay ay negatibo sa COVID-19.
“Pero yung sanggol po na yun na-admit sa ospital, actually ang reason na nai-refer sa amin ay mayroon po siyang abnormality sa puso and napakabilis ng pagtibok ng puso at nung plano naming ganutin yun at tinesting po yung baby eh may COVID kaya siya po ay nadala sa COVID ward,” ayon pa sa tagapagsalita ng PGH.
Dagdag pa ni del Rosario, may iba pang mga batang pasyente sa PGH na may COVID-19 noong nagsisimula ang pandemic ngunit mas kumplikado aniya ngayon dahil ang iba ay matindi ang kanilang COVID-19 pneumonia na nakuha at iba pang kumplikasyon.
Mayroon din aniya silang pasyente na may sakit na tinatamaan din ng COVID-19.
Sa ngayon, hindi pa aniya natatanggap ng PGH ang genome sequencing results ng mga bata.
Nauna nang inihayag ng ospital na mayroon nang 21 Delta cases. Plano naman ng PGH na magdagdag pa ng apat na kama para sa pedia coronavirus ward.
“Hindi naman po kami nananakot na laganap na ang COVID sa mga bata. Ang sinasabi lang po namin ay nagkaka-COVID po ang ating mga anak kaya kailangan nating mag-ingat,” he said.
“The hospital’s intensive care unit (ICU) for adults is full, while 153 out of 225 beds are available,” ayon pa kay del Rosario.
“Ang challenge lang po kung severe or critical. Yun po ang medyo challenging dahil sa adult po puno ang ICU,” dagdah pa nito.