3 ospital sa NCR, tinukoy ng DOH sa unang mabibigyan ng COVID-19 vaccine

Share this information:

TATLONG ospital sa National Capital Region (NCR) ang tinukoy ng Department of Health (DOH) na unang mabibigyan ng bakuna kontra COVID-19 sa sandaling dumating na ang mga ito sa bansa.

Sinabi ni Health Secretary Francisco Duque III na tatlong referral hospital kabilang ang UP-Philippine General Hospital, Lung center of the Philippines at Dr. Jose Memorial Rodriquez Hospital ang unang mabibigyan ng bakuna.

Nilinaw ng kalihim na uunahin ang buong ospital hindi lamang ang health care worker kundi ang maging ang admin staff.

Nais ng kalihim na ma-preserve ang institutional safety sa halip na indibidwal.

Ayon pa kay Duque kailangan mabigyan ang buong institusyon ng bakuna dahil kung hindi mababakunahan lahat ay hindi makakapagtrabaho ang mga medical workers.

Kaugnay nito, tinitingnan din ng kalihim ang Davao at Cebu City dahil mataas din ang kaso ng sakit roon.

Leave a Reply

This site uses Akismet to reduce spam. Learn how your comment data is processed.