DALAWAMPUNG hinihinalang mga tulak ang binitbit ng Cavite police sa isinagawang buy-bust operation sa magkakahiwalay na lugar sa Cavite Miyerkules ng madaling araw.
Sa ulat ng Cavite Police Provincial Office (PPO) isinagawa ang buy bust operation sa pagitan ng alas-5:30 kamakalawa ng hapon hangang alas-3:30 kahapon ng madaling araw sa tatlong lungsod at apat na bayan.
Tig-apat na hinihinalang tulak ang binitbit sa lungsod ng Imus, Bacoor at Cavite habang tig-tatlo sa Kawit at Naic; at tig-isa naman sa Alfonso at Amade o kabuuang bilang na 20.