TATLONG Chinese nationals ang nadakip sa isinagawang follow-up operation sa Tipo Road, Brgy Tipo, Hermosa, Bataan.
Isinagawa ang operasyon ng mga operatiba ng Philippine Drug Enforcment, Agency (PDEA), Philippine National Police – Drug Enforcement Group National Capital Region (PNP-DEG NCR), Team ISAFP or Intelligence Service Armed Forces of the Philippines, Philippine Navy, Armed Forces of the Philippines (AFP) JCITF NOAH, National Intelligence Coordinating Agency (NICA), Bureau of Customs (BOC), Subic Police Station, Zambales PPO, 1st Provincial Mobile Force Company, Hermosa MPS, PIU-PPDEU Bataan PPO, CIDG Bataan, SBMA IIO, SBMA Law Enforcement Department at Subic Customs sa Tipo Exit sa Brgy. Tipo-Hermosa na nagresulta sa pagkakadakip nina: Qing Chang Zhou, “Ricky Chou, 37; Cai Cai Bin “James/Joseph Chua”, 49; at Longcai Chang, 45 anyos.
Nakumpiska sa mga suspek ang tinatayang nasa 80 kilo ng shabu na nagkakahalaga ng P544 milyon; isang black Toyota Land Cruiser ( UOF 567); isang maroon Mitsubishi Montero (NDO 6824); isang Android Phone (MI) at isang analog phone.
Nauna rito ay apat na Chinese nationals na pawang kasamahan din ng mga nadakip ang napatay sa naging anti illegal drugs operation sa Candelaria, Zambales kung saan P3.4 bilyon halaga ng shabu naman ang nasabat ng mga awtoridad.