MAAARING dahil sa “scare factor” sa Delta cases kung kaya marami na ang nagpapabaluna kontra COVID-19.
Ayon ito kay Department of Health (DOH) spokesperson Usec Maria Rosario Vergeire, na baka natatakot na ang mga tao kaya gusto na nilang magpabakuna.
Maaari din aniyang nakumbinsi na sila at nakita nila na ligtas naman ang mga bakuna.
Naiintindihan din naman aniya ng ating mga kababayan ang mga lumalabas na ebidensya na talagang protektado naman o nagbibigay proteksyon ang mga bakuna.
Sinabi ni Usec. Vergeire na isa itong magandang senyales para sa atin dahil mas marami pang mahihikayat na magpabakuna sa ating mga kababayan.