CALAMBA CITY, LAGUNA–Napatay ng riding-in-tandem na mga suspek ang isang naka-motorsiklong pulis sa Cabuyao, Laguna kaninang umaga habang papasok sa kanyang trabaho .
Kinilala ni Cabuyao City Police Chief Lt. Col. Gilmore Wasin ng napatay na si PSSgt. Christian Ramos ng Sitio Laguarta, Poblacion 1, Calaca, Batangas.
Pinagbabaril si Ramos sa iba’t-ibang parte ng katawan matapos makahanap ng tiyempo ang suspek bandang alas 9:40 ng umaga kanina habang binabagtas ng biktima ang Yulo Road, Brgy. Pittland, kung saan sinusundan ng di pa nakikilang mga naka-motorsiklong suspek.
Napag-alamanan na naka-assign si Ramos sa Regional Police Holding and Accounting Unit sa Camp Vicente Lim, Canlubang, Calamba City, Laguna.
Base sa kanyang record, nag AWOL din ito kamakailan at muling nakabalik sa kanyang trabaho.
Narekober ng Scene of the Crime Operatives (SOCO) ang 6 na basyo ng bala mula sa cal. 9mm at 3 pirasong basyo ng cal. .45 na baril na ginamit sa krimen.