SINABI ni Department of Health (DOH) Undersecretary Maria Rosario Vergeire na nasa ilalim na ngayon ng kategoryang “low risk” sa COVID-19 ang buong Pilipinas.
Ito ang ini-anunsyo ni Usec. Vergeire bunga ng patuloy na pagbaba ng mga kaso ng COVID-19 sa bansa at unti-unting pagbagal ng bilis ng hawaan.
Ayon kay Vergeire, nakapagtala ang DOH ng negative growth rate sa loob ng dalawang linggo.
Gayunman, tinukoy ni Vergeire na mayroon pa ring anim na rehiyon ang nasa ilalim ng moderate risk classification kabilang ang Region 2, 9, Cordillera Administrative Region (CAR), Region 4-B, Region 1 at National Capital Region.
Ang mga Rehiyon na 2, 5 at 9 naman ay may mataas pa ring utilization rate ng ICU bed.