Nanawagan kamakailan ang iba’t-ibang grupo mula sa Mindanao na palawigin pa ang Bangsamoro Transition Authority o BTA.
Kasabay nito, nagsagawa naman ng isang prayer rally sa golden mosque sa Quiapo ang Bangsamoro People’s Coalition .
Ayon kay Dr. Jolly Lais, tagapagsalita ng coalition ,malaki ang naging epekto mg pandemya sa trabaho ng BTA kaya dapat aniyang habaan ang termino nito hanggang 2025 o tatlong taon pa.
Nanawagan din ang grupo sa dalawang kapulungan ng Kongreso na madaliin ang pag-amyenda sa batas na mag uurong sa eleksyon sa Bangsamoro Autonomous Region in Muslim Mindanao (BARMM) sa 2025.
Hiniling din ng grupo ang suporta ni Pangulong Rodrigo Duterte sa nasabing panukala sa pamamagitan ng pag-certify dito bilang urgent.
Ayon pa sa grupo, layon lang anila na magtagumpay ang legacy ng pangulo para sa kapayapaan.