UMABOT na sa 45,592 ang bilang ng mga quarantine violator sa Metro Manila mula nang ipatupad ang Alert Level System.
Ang bilang ng mga lumabag ay batay sa datos ng Philippine National Police (PNP) mula Oktubre 16 hanggang Oktubre 20, 2021.
Ayon sa PNP, 25,548 o 56 percent ng mga lumabag ang nabigyan ng babala.
Nasa 16,468 naman o 36 percent ang napagmulta at 3,576 naman o 8 percent ang binigyan ng ibang parusa.
Kasama sa mga paglabag na ginawa ay ang paglabag sa health protocol tulad ng mass gathering at hindi pagsunod sa umiiral na oras ng curfew.