Umakyat na sa 538,995 ang bilang ng mga kaso sa bansa makaraang makapagtala pa ng bagong 1,690 na kumpirmadong kaso ng COVID-19 ngayong Pebrero 8, 2021.
Nadagdagan naman ng 23 ang recoveries kaya naging 499,772 na ang kabuuang bilang ng mga gumagaling sa sakit.
Umabot naman sa 52 ang bagong mga pumanaw sa COVID-19 sanhi para maging 11,231 na ang namamatay sa sakit, habang ang mga aktibong kaso naman ay nasa 27,992 ang kabuuang bilang.
Samantala, 4 na duplicates ang inalis sa total case counts kung saan dalawa rito ang recovered cases.
Nasa 46 kaso naman na nai-tag bilang recovered ang na-reclassify bilang pumanaw matapos ang final na validation.
Mayroon namang limang laboratoryo na hindi nakapagsumite ng kanilang datos sa COVID-19 Data Repository System o CRDS nitong Pebrero 7.