Sa hangarin na mapalawak ang testing capacity ng bansa at matiyak ang agaran at mahusay na pagpapatupad ng mga diskarte ng Prevent-Detect-Isolate-Treat-Reintegrate (PDITR), inilabas ng Department of Health (DOH) ang Department Memorandum (DM) Blg. 2021-0161 na nagdedetalye ng mga alituntunin sa paggamit at pangangasiwa ng saliva-based Reverse Transcription Polymerase Chain Reaction (RT-PCR) testing.
Sa ilalim ng DM No. 2021-0161, tanging ang mga lisensyadong COVID-19 laboratories na sertipikado ng Research Institute for Tropical Medicine (RITM) ang pinapayagang magsagawa ng saliva-based RT-PCR.
“Furthermore, point-of-care clinics, specimen collecting facilities, and disease reporting units can perform saliva specimen collection, provided that the specimen collectors have undergone training from the referral licensed COVID-19 laboratory certified to perform saliva testing,” ayon sa pahayag ng DOH.
Bilang karagdagan, ang mga nasabing laboratoryo o pasilidad ay maaari lamang gumamit ng mga test kit na nakapasa sa pagpapatunay ng pagganap na isinagawa ng RITM o iba pang kinikilala ng RITM na mga laboratoryo, at mayroong isang espesyal na sertipikasyon mula sa Food and Drug Administration (FDA).
Bukod dito, inulit ng DOH na tanging mga trained saliva specimen collectors lamang ang dapat mangasiwa sa test at ang mga medical doctor lamang ang dapat mag-interpret sa mga resulta ng mga pagsusuring ito dahil ang mga resulta ay kailangang maiugnay sa pangkalahatang konteksto ng klinikal at epidemiological ng pasyente.
Pinapanatili din ng DOH na ang mga specimen ng nasopharyngeal at oropharyngeal swab ay mananatili bilang pamantayang specimen para sa pagsusuri ng COVID-19 sa pamamagitan ng RT-PCR.
“As stipulated in the guidelines, morning saliva is preferred as specimen due to higher viral load but this should not prevent specimen collection at any other time,” ayon pa sa DOH .
Ang wastong pamamaraan ng koleksyon ay dapat ding mahigpit na obserbahan kung saan ang mga pasyente ay hindi dapat kumain, uminom, magsipilyo, gumamit ng mouthwash o manigarilyo ng hindi bababa sa 30 minuto bago ang koleksyon ng sample.
