KASABAY ng unang araw ng buwan ng Pebrero, inilunsad ng pamahalaang lungsod ng Maynila ang “MayniLOVE” sa Mehan Garden.
Pinangunahan ito ni Manila Mayor Isko Moreno Domagoso at Vice Mayor Maria Sheilah “Honey” Lacuna-Pangan ang “MayniLOVE” na layong mabigyan ng kahinhawaan ang mga maliliit na negosyo na lubhang naapektuhan dahil sa nararanasang COVID-19 pandemic.
Inanyayahan naman ng alkalde ang publiko na bisitahin ang Mehan Garden upang doon na lamang mag-“date”.
Hindi lamang ang magsing-irog ang maaring makabisita sa parke kundi kahgit sinong gustong bumisita rito upang makatulong naman sa mga negosyateng nagatitinda rito na kumita kahit papaano.
“Enjoy the atmosphere. Enjoy the season. Enjoy the love. Show love, not hate,” pahayag ni Domagoso.
Pinaalalahanan naman ni Lacuna-Pangan ang publiko na bibisita sa Mehan Garden na sumunod sa ipinapatupad na minimum health protocols kung saan binigyaan diin nito na sa simpleng disiplina ay maipapadama ang pag-ibig at malasakit sa isat-isa.
Napag-alaman naman kay Bureau of Permits Director Levi Facundo, umabot sa 200 indibidwal ang napagkalooban ng trabaho dahil sa MayniLOVE event.
Ang ‘MayniLOVE’ ay bukas sa publiko mula Pebrero 1 hanggang 15, simula alas-4 ng hapon hanggang alas-11 ng gabi Lunes hanggang Linggo.