MAHIGIT 430 na mga opisyal ng Bureau of Immigration (BI) sa Ninoy Aquino International Airport (NAIA) ay binalasa at binigyan ng bagong terminal assignment bilang bahagi ng hangarin ng ahensiya na maiwasan ang korapsiyon ng kanilang tauhan.
Sinabi ni BI Commissioner Jaime Morente na sa kabuuang 356 na kanilang frontline mmigration officers na kasalukuyang naka-assign sa NAIA ay apektado sa ginawang pagbalasa na ipapatupad sa May 12.
Nabatid pa na bukod sa mga BI officers na nababantay sa immigration booth, 79 na immigration officers na nagmamando sa terminal ay binago rin bilang bahagi ng pagbalasa.
“The objective of this rotation scheme is to avoid fraternization in the workplace, which studies have pinpointed as a possible source of corruption in government,” ayon kay Morente
Sinabi ni Atty. Carlos Capulong, BI Port Operations Division (POD) chief na layon ng nasabing balasa ay upang masiguro na supisyente ang kanilang tauhan upang magsibli sa kanilang mga biyahero.
“We also want to create a positive work environment by seeing to it that the workload of our immigration officers and their duty supervisors are evenly distributed,” ayon kay Capulong.
Sinabi pa ni Capulong na aprubado ni Morente ang rekomendasyon niyang balasahan ng terminal assignment sa BI-NAIA personnel kada tatlo hanggang apat na buwan.
“With more than half of our personnel already inoculated with the first dose, we have more confidence in performing our daily duties,” ayon kay Capulong.