POSIBLENG nagkaroon ng local variant ng coronavirus ang Pilipinas tulad ng naitala sa United Kingdom, Brazil at South Africa, kung patuloy na tataas ang bilang ng mga tinamaan ng bagong UK variant.
Ito ay matapos na kumpirmahin ng Department of Health (DOH) na nagkaroon na ng local transmission sa Bontoc Mountain Province.
Paliwanag ni Director Cynthia Saloma ng Phil. Genome Center, sakaling tumaas pa ang bilang ng mga tatamaan ng bagong variant ay maituturing na itong local PH variant.
Nagsagawa na ng genome sequencing sa mga samples na nakuha sa mga covid patients upang matukoy kung positibo sa bagong covid variant.
Sa kasalukuyan,naitala sa Bontoc Mt. Province ang pinakamataas na bilang ng tinamaan ng UK variant ng covid.