Bilang bahagi ng programa ng lokal na pamahalaan ng Maynila sa pagsugpo sa COVID-19, ilulunsad ang libreng drive-thru swab testing (RT-PCR) sa Quirino Grandstand simula sa Lunes, Enero 18.
Ayon kay Manila Mayor Isko Moreno Domagoso, 100 pasyente ang maaaring sumailalim sa swab test kada araw.
Kinakailangan lamang na magpa-schedule ang mga nais magpa-swab test ng kanilang appointment sa Manila Emergency Operation Center ng Manila Health Department.
Maari ding tawagan ang mga sumusunod na numero na:
09052423327
09983226367
09636023177
09555875976
Tiniyak ng alkalde na mananatiling kaagapay ang Pamahalaang Lungsod sa gitna ng pandemya.
Nagpaalala rin ang opisyal sa publiko na mag-ingat pa rin dahil may COVID-19 pa kaya lagi magsuot ng face mask, face shield, maghugas ng kamay at obserbahan ang physical distancing sa lahat ng oras.