Lalaking nam-blackmail sa dating GF, arestado

Share this information:

INARESTO ng mga tauhan ng National Bureau of Investigation (NBI) – Sarangani District Office (NBI-SARDO) ang lalaking inireklamo ng pangba-blackmail kapalit ng pakikipagtalik.

Tinukoy ni NBI Officer-In-Charge (OIC) Director Eric B. Distor ang pagkakakilanlan ng suspek na si Rosman Hadji Ibrahim.

Naaresto si Ibrahisa entrapment operation na nag-ugat sa reklamo ng biktima laban sa suspek dahil sa umano’y pangba-blackmail nito.

Ayon sa biktima, may relasyon ng suspek mula 2017 at nakipaghiwalay ito nuong Disyembre 2020 ngunit patuloy pa ring nagte-text ang suspek sa kanya.

Tinakot din umano ng suspek ang biktima na ipo-post ang kanyang nude photos kapag hindi ito nakipagtalik. 

Dahil dito, agad na dumulog sa NBI ang biktima at ikinasa ang entrapment operation. Nakipagkita ang biktima kay Ibrahim sa isang motel sa Brgy. Lagao, General Santos City kung saan ibinigay ang hudyat para arestuhin ang suspek.

Mahaharap sa kasong Anti-Violence Against Women and Children Act of 2004 na may ugnayan sa RA 10175 o Cybercrime Prevention Act of 2012 si Ibrahim.

Leave a Reply

This site uses Akismet to reduce spam. Learn how your comment data is processed.